الفرق بين التنحي والتخلي بقلم إكرام مجاور

**thesniper_12007** · 20 - 2 - 2011, 09:39 AM

ضحك علينا العنيد

وقال انا اتخليت
واحنا بعقولنا الجزم
وصلتلنا اتنحيت
لكن التخلي يعني
سبتك وانا رئيسك
أما التنحي يعني
ماليش لا جاه ولا صيت
****
فاكرينو بقى م الشعب
وف شعبها مواطن
لكنه لسة رئيس
بيديرها م الباطن
واحنا فرحنا أوي
والفرحة هزتنا
ولما فوقنا بكينا
على فكرنا العاطن
****
ضحك علينا وقال
والمر شاربينه
حط المرار ف العسل
واحنا ما حاسينو
نرتع ف مرعى الثورة
ونقول شراب النصر
وهو لسه راكبنا
والشله حاميينو
****
له حق يركب كتافنا
ويقول شيه يا حمار
مادام عملنا بهايم
وسابنا جوا الدار
واحنا شربنا وطفح
السم ف بدننا
لما بقى تحتنا
السبله بالأمتار

**حرف مشتعل** · 20 - 2 - 2011, 11:55 AM

عميق برؤيتك..
مبدع كعادتك..
اكليل من الورد ارسله
لك على كف غيمه
ودى

**أحلى بنت ندى** · 20 - 2 - 2011, 12:01 PM

قال كلمات تعبر عن رأى وكأنه أخذها من على لسانى كتب الحروف التى كنت سأكتبها على ورقه ولكن من هو أنه ؟؟؟.........مشكور على موضوع مرسىى

**thesniper_12007** · 20 - 2 - 2011, 12:20 PM

المشاركة الأصلية كتبت بواسطة حرف مشتعل

عميق برؤيتك..
مبدع كعادتك..
اكليل من الورد ارسله
لك على كف غيمه
ودى

الرائعه الشيماء
حين يعانك بهاء حرفك النقي صفحتي المتواضعة أشعر وكأنني في عالم اللغة انعم ببيانها واستنشق بلاغتها في حرفك الأخاذ
دمت بكامل الألق ودام لنا قلمك المميز
وافر تحياتي وجل احترامي

**thesniper_12007** · 20 - 2 - 2011, 12:27 PM

المشاركة الأصلية كتبت بواسطة أحلى بنت ندى

قال كلمات تعبر عن رأى وكأنه أخذها من على لسانى كتب الحروف التى كنت سأكتبها على ورقه ولكن من هو أنه ؟؟؟.........مشكور على موضوع مرسىى

أشكرك أختي الفاضلة ندى
أحيانا تتلاقى الأفكار في نقطة البداية ولكنها ليست النهايه ولكن لكل منا اسلوب يعبر به عن رأيه وعن نفسه فليس معنى اني كتبت هذا الموضوع إنني لم أره من قبل انني رأيته على هذا المنتدى للأستاذ محمد مدحت راغب ولكني صغته في إسلوب شعري فلك حرية الرأي والكتابه وحرية التعبير بأسلوبك الخاص بك
دمت بكامل الألق ودام لنا قلمك المميز
وافر تحياتي وجل احترامي
أخوك
إكرام مجاور

**العاشقة المجروحة** · 20 - 2 - 2011, 01:54 PM

الله عليك يا اكرام هو ده الكلام وانا اول ماسمعت الخطاب بتاع عمر سليمان ده اللى دار فعلا فى دماغى
وقولته لوالدى وخالى التخلى غير التنحى كبرياءه وكرامته مخلينه يقول كدة وبيستعبطنا
كلماتك جات ع الوتر الحساس
تسلم الايادى
دمت بكل الحب والتقدير

**thesniper_12007** · 20 - 2 - 2011, 02:02 PM

المشاركة الأصلية كتبت بواسطة العاشقة المجروحة

الله عليك يا اكرام هو ده الكلام وانا اول ماسمعت الخطاب بتاع عمر سليمان ده اللى دار فعلا فى دماغى
وقولته لوالدى وخالى التخلى غير التنحى كبرياءه وكرامته مخلينه يقول كدة وبيستعبطنا
كلماتك جات ع الوتر الحساس
تسلم الايادى
دمت بكل الحب والتقدير

عارفه يا سماح من يوم ما سمعت الكلمة دي وانا قلبي بيقولي الكلمة دي غلط اللي خلاني صدقت انها بمعنى التنحي إزاي قيادة ثورة من سياسيين كبار وأعضاء الثورة تغيب عنهم حاجه زي كدا لحد ما وضح لي الأخ محمد مدحت راغب الفرق بينهما النهاردة ومن ساعيتها وانا بغلي من جوايا ازاي الشعب عبيط لدرجة انه مش فاهم اساليبه الملتوية
فعلا فتحت جوانا جرح صعب التئامه
دمت بكامل الألق سماح ودام لنا قلمك المميز
وافر تحياتي وجل احترامي

**العاشقة المجروحة** · 20 - 2 - 2011, 02:13 PM

تعرف يا اكرام انهم دلوقتى بيحاولوا اجهاض الثورة على قد مايقدروا بس ان شاء الله ربنا هيكون مع الشغب البسيط الغلبان ده وهيردلهم كيدهم بإذن الله
وكل دول هندوس عليهم بجزمنا لانهم ولا حاجة ودم كل شهيد مات لحد دلوقتى ان شاء الله مش هيروح هدر وربنا مش هيسيبهم

**thesniper_12007** · 20 - 2 - 2011, 02:25 PM

ان شاء الله تعالى ربنا هينصرهم

**محمد أبراهيم** · 22 - 2 - 2011, 12:05 AM

هكذا
السكوت عن
الظالم
يجعله يتمادى
بالظلم
فكلمه تخلى
مطاطيه
بين القاهره وشرم
للص
خطف الثوره
بابتسامه
فكان النفاق والتدليس والتزوير
جميعها
فى حياته
علامه
تنحى تخلى استقاله
جميعها لاتكفى
فمحاكمته
هى من تضمن
لنا السلامه
سطورك رائعه
حملت حقائق
صادقه
هطلت علينا
لكشف
الوجه الحقيقى
للنظام واعوانه
اكرام مجاور
انفاق الفساد
موغله
والالام بصدورنا
باتت مسترسله
هي
كارثه لااعلم كيف
ستنتهى
فالشواهد باتت
معضله
اخى الحبيب
سطورك واضحه
و شفافه
من رقي ابداعك
وجمال هطولك
بالمساحات
انيق انت دائما
لك ارق
واجمل التحيات
مودتى

الموضوع: الفرق بين التنحي والتخلي بقلم إكرام مجاور

أدوات الموضوع

الفرق بين التنحي والتخلي بقلم إكرام مجاور

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة